دہلی میں نہیں چلیں گی اولا، اوبر اور ریپیڈو کی بائیک ٹیکسی، سپریم کورٹ نے لگائی پابندی

نئی دہلی: دہلی میں اولا، اوبر اور ریپیڈو جیسی کمپنیوں کی بائیک سروس پر پابندی لگانے کا مطالبہ کرنے والی ریاستی حکومت کی عرضی پر سماعت کرتے ہوئے کیب ایگریگیٹر کمپنیوں کو سپریم کورٹ سے جھٹکا لگا ہے۔ سپریم کورٹ کے حکم پر دہلی میں بائیک ٹیکسیاں نہیں چلیں گی۔ سپریم کورٹ نے دہلی ہائی کورٹ کے عبوری حکم پر روک لگا دی ہے۔ سپریم کورٹ میں کیس کی سماعت کے دوران اوبر کے وکیل نے کہا کہ 2019 سے کئی ریاستوں میں بائیک سروس کے لیے ٹو وہیلر کا استعمال کیا جا رہا ہے، موٹر وہیکل ایکٹ کے تحت اس پر کوئی پابندی نہیں ہے۔ اوبر کے وکیل نے کہا کہ مرکزی حکومت کے ایک نوٹیفکیشن کے مطابق دو پہیہ گاڑی کو تجارتی استعمال کے لیے استعمال کیا جا سکتا ہے۔

اوبر کے وکیل نے کہا کہ دہلی حکومت کی 4 سال سے کوئی پالیسی نہیں ہے، ہمیں اس وقت تک ریلیف دیا جائے جب تک دہلی حکومت کو پالیسی بنانے کی اجازت نہیں دی جاتی۔ دہلی حکومت کے فیصلے پر روک لگاتے ہوئے دہلی ہائی کورٹ نے پالیسی کے سامنے آنے تک کیب ایگریگیٹر کمپنیوں کو بائیک سروس کی اجازت دی تھی۔ جن کے خلاف دہلی حکومت نے سپریم کورٹ میں عرضی داخل کی تھی۔ فروری 2023 میں، دہلی حکومت نے اولا، اوبر اور ریپیڈو جیسی کیب ایگریگیٹر کمپنیوں کی بائیک سروس پر پابندی لگا دی تھی۔