ایفل ٹاور کو بم سے اڑانے کی ملی دھمکی، خالی کرایا گیا علاقہ، بم ڈسپوزل دستہ آیا حرکت میں

پیرس : فرانس کے دارالحکومت پیرس کی سب سے اہم علامت ایفل ٹاور کو بم سے اڑانے کی دھمکی موصول ہوئی ہے۔ ہفتے کے روز موصول ہوئی اس دھمکی کے بعد جاری سکیورٹی وارننگ کے باعث وسطی پیرس میں واقع ایفل ٹاور کی تین منزلیں خالی کرا دی گئی ہیں۔ دوسری جانب سی این این کی رپورٹ کے مطابق بم ڈسپوزل سکواڈ کی ایک ٹیم تحقیقات کے لئے موقع پر پہنچ گئی ہے۔ ایفل ٹاور دنیا کے مقبول ترین سیاحتی مقامات میں سے ایک ہے، جس نے گزشتہ سال ہی 6.2 ملین سیاحوں کو اپنی طرف متوجہ کیا۔ حالانکہ دوپہر 1:30 بجے (11:30 IST) کے فوراً بعد سیاحوں کو تینوں منزلوں اور یادگار کے نیچے چوک سے ہٹا دیا گیا۔