CYBER ATTACK : بل گیٹس ، اوبامہ ، وارین بفے اور ایپل سمیت کئی سرکردہ شخصیات کے ٹویٹر اکاونٹ ہیک

امریکہ میں کئی سرکردہ شخصیات کے ٹویٹر اکاونٹ ہیک کر لئے گئے ہیں ، ان میں امریکہ کے سابق صدر براک اوبامہ ، مائیکرو سافٹ کے بانی بل گیٹس ، دنیا کے سب سے امیر اور انویسٹمنٹ گرو وارین بفے بھی شامل ہیں ۔ اس کے علاوہ امریکہ کے صدارتی انتخابات میں امیدوار جو بائیڈن کا ٹویٹر اکاونٹ بھی ہیک کرلیا گیا ہے ۔ آئی فون بنانے والی کمپنی ایپل بھی اس سائبر حملہ کی شکار ہوئی ہے ۔ خبروں کے مطابق بٹ کوائن گھوٹالہ سے وابستہ ٹویٹ کئے جارہے ہیں ۔ ان سرکردہ شخصیات کو بٹ کوائن میں عطیہ کرنے کیلئے کہا جارہا ہے ۔ ٹویٹر ہینڈل سے ٹویٹ کیا جارہا ہے کہ اگر وہ یہاں پیسہ لگاتے ہیں تو اس کو بی ٹی سی کھاتے میں دوگنا کردیا جائے گا ۔ ہیکروں نے مائیکرو سافٹ کے فاونڈر بل گیٹس کے ٹویٹر اکاونٹس سے ٹویٹ کیا : ہر کوئی مجھ سے واپس دینے کو کہہ رہا ہے اور اب وقت آگیا ہے ۔ میں اگلے 30 منٹ تک بی ٹی سی ایڈریس پر بھیجی گئی سبھی پیمنٹ کو دوگنا کررہا ہوں ، آپ ایک ہزار ڈالر بھیجئے اور میں آپ کو دو ہزار واپس بھیجوں گا ۔ بعد میں ان کے اکاونٹ سے اس میسیج کر ڈیلیٹ کردیا گیا ، لیکن اس کے کچھ دیر بعد کئی دیگر سرکردہ شخصیات کے اکاونٹ بھی ہیک ہونے لگے ۔