ایل او سی پر پاکستانی کارروائیاں جاری رہیں تو دیگر اقدامات پر غور کرینگے: بھارتی ائیر چیف

ایل او سی پر پاکستانی کارروائیاں جاری رہیں تو دیگر اقدامات پر غور کرینگے: بھارتی ائیر چیف ی دہلی: بھارتی فضائیہ کے سربراہ نے پاکستان کو دھمکی دیتے ہوئے کہا ہے سیزفائر کی خلاف ورزی برداشت نہیں کی جائے گی اگر خلاف ورزی جاری رہی تو دیگر آپشنز پر غور کرینگے۔ بھارتی ایئرچیف انیل کمار براؤنی نے الزام لگایا ہے کہ پاکستان نے 48 گھنٹے کے دوران پانچ بار سیزفائر کی خلاف ورزی کی۔ بھارتی میڈیا کے مطابق فضائیہ کے سربراہ کا کہنا ہے سیز فائر معاہدے کی خلاف ورزی ناقابل قبول ہے اگر پاکستان کی جانب سے یہ سلسلہ جاری رہا تو بھارت دوسرے اقدامات پر غور کرے گا۔ان کا کہنا تھا سیز فائرمعاہدے کو توڑا گیا تو جواب میں بہت سے آپشن استعمال کیے جا سکتے ہیں۔ بھارتی فضائیہ کے سربراہ نے کہا کہ کنٹرول لائن پر جنگ بندی کی خلاف ورزی بھارت کی جانب سے نہیں ہوئی۔ انہوں نے الزام عائد کیا کہ جارحیت کی ابتدا پاکستان نے کی جس کے جواب میں بھارت کو کارروائی کرنا پڑی۔