سابق وزیر اور رکن اسمبلی یوٹی قادر کرناٹک کانگریس لیجسلیچر پارٹی کے نائب لیڈر مقرر

مینگلورو: 30 جنوری، 2022 (بھٹکلیس نیوز بیورو) کانگریس ہائی کمان نے سابق وزیر اور موجودہ ایم ایل اے یو ٹی قادر کو کرناٹک اسمبلی میں کانگریس قانون ساز پارٹی کا نائب لیڈر مقرر کیا ہے۔اس سلسلے میں پارٹی کے جنرل سکریٹری کے سی وینوگوپال کی طرف سے جاری اعلامیہ میں اس کی خبر دی گئی ہے۔ خیال رہے کہ یو ٹی قادر 2018 میں منگلورو حلقہ (اُلال) سے چوتھی بار ایم ایل اے کے طور پر منتخب ہوئے تھے۔ جبکہ اس سے قبل سدارامیا کی قیادت والی کانگریس حکومت میں وزیر صحت، ہاؤسنگ اور سول سپلائیز کے طور پر بھی خدمات انجام دے چکے ہیں۔وہ 2018 کے ریاستی انتخابات میں واحد کانگریسی ایم ایل اے تھے جو دکشن کینرا سے منتخب ہوئے تھے۔

Congratulations to @utkhader for being appointed as Deputy Leader of Congress Legislative Party in Karnataka Legislative Assembly. pic.twitter.com/Xx8aPAZqQC

— Karnataka Congress (@INCKarnataka) January 30, 2022

انہوں نے اس عہدے کے لیے منتخب کیے جانے پر کانگریس قائدین سونیا گاندھی، راہول گاندھی، پرینکا گاندھی، سدارامیا اور دیگر کا شکریہ ادا کرتے ہوئے، ٹویٹ کیا ہے کہ اس عہدے پر تقرری ان کے لیے انتہائی اعزاز کی بات ہے۔

It is my utmost privilege & honour to be appointed as Deputy Leader of @INCKarnataka Legislative Assembly.I would like to thank @INCIndia President Smt Sonia Gandhi Ji, Smt. @priyankagandhi Ji, Sh.@RahulGandhi Ji, Sh. @kcvenugopalmp Ji, Sh. @rssurjewala , Sh. @siddaramaiah Ji (1) pic.twitter.com/fUkgWdG4mr

— UT Khadér (@utkhader) January 30, 2022

اس سے قبل 26 جنوری کو کانگریس ہائی کمان نے بی کے ہری پرساد کو کرناٹک قانون ساز کونسل میں کانگریس کا لیڈر مقرر کیا ہے۔