بھٹکل تنظیم وفد چی ہائی وے سلسلات کمٹہ بتر ڈی سی سرین ملاقات

بھٹکل تنظیم وفد چی ہائی وے سلسلات کمٹہ بتر ڈی سی سرین ملاقات بھٹکلیس نیوز / 16 دسمبر،12 بھٹکل / کمٹہ (رضوان گنگاولی) مجلس اصلاح و تنظیم بھٹکل چو وفد کال کمٹہ بتر شمالی کنڑا چی ڈپٹی کمشنر ایموکانگلو جامر سرین ملاقات کرون وھتو ، ہیں موقعار جنرل سکریٹری مجلس اصلاح و تنظیم جناب الطاف کھروری صاحب وفد طرفین نمائندگی کرتے سانگلے کہ نوؤ تعمیر کرون وتلو ہائی وے موجودہ ہائی وے اوپرلان کچ وسوکاز ، بھٹکلی عوام کوں ہائی وے بھائیر ٹکون گھینوچے بالکل خلاف واٹیت ، ہیجے علاوہ ہیں موقعار تنظیم چے ذمہ داران طرفین ہائی وے چی روندئی کوں کم کروچی مانگ کرتے سانگون گیلے کہ ہائی وے 60/میٹر چے بجائے 43/میٹر کچ روند کرون وسوکاز ، ڈی سی چے سامّیں ہائی وے بھائیر ٹکون وھروچے سلسلات بھٹکل چے ماحول انی تیجی ترقی ور اثر انداز زاتلی چیزا چو تذکرہ کرون گیلو ۔ ہیں وفد بتر مجلس اصلاح و تنظیم بھٹکل چے نائب صدر جناب عنایت اللہ شابندری صاحب ، جناب خلیل الرحمٰن منیری صاحب ، جناب صادق نائطے صاحب ، جناب مولانا یاسر برماور ندوی صاحب ، جناب صادق نائیطے صاحب ، جناب یونس رکن الدین صاحب انی دیگر حضرات موجود وھتے ۔