تعلقہ سطح کے پرتیبھا کارنجی مقابلوں  میں بھٹکل شمس اسکول کے طلبہ  کواردو تقریر اور قرآت میں ملا پہلا مقام: ضلعی سطح کے لیے ہوئے  منتخب

بھٹکل: یکم   اکتوبر،2022 (بھٹکلیس نیوز بیورو؍موصولہ رپورٹ) شرالی میں آج  منعقد ہوئے تعلقہ سطح کے  پرتیبھا کارنجی کے مقابلوں میں بھٹکل نیو شمس اسکول کے طلبہ نے بہترین کارکردگی کا مظاہر ہ کرتے ہوئے دو مقابلوں میں اول مقام حاصل کیا ہے اور ضلعی سطح کے لیے منتخب ہوئے ہیں۔ تفصیلات کے مطابق  ہائی اسکول کے شعبے میں اس اسکول کے دسویں کے طالب علم شبیث ابن محمد شعیب درگا  نے اردو تقریری مقابلے میں پہلا مقام حاصل کیا ہے ۔ اسی طرح  ہائر پرائمری کے شعبے میں ساتویں کے طالب علم محمد حیان ابن محمد عمران ایس ایم نے قرآت مقابلے میں اول مقام حاصل کیا ہے  اور یہ دونوں ضلع سطح کے پرتیبھا کارنجی مقابلوں کے لیے منتخب ہوئے ہیں ، جبکہ چوتھی جماعت کے سمیم  نے نظم میں دوسرا مقام حاصل کیا ہے۔ ان کی اس کامیابی پر  اسکول پرنسپال ، اساتذہ اور ادارہ کے ذمہ دار حضرات نے مبارکباد پیش کرتے ہوئے  اگلے مرحلے کے لیے اپنی نیک خواہشات پیش کی ہیں۔