گیانواپی کے ASI سروے پر فی الحال جاری رہے گی روک، الہ آباد ہائی کورٹ میں کل پھر سماعت

پریاگ راج۔ بڑی خبر یوپی کے الہ آباد سے ہے، جہاں الہ آباد ہائی کورٹ نے گیان واپی کیمپس میں ہونے والے اے ایس آئی سروے کے بارے میں ابھی تک اپنا فیصلہ نہیں دیا ہے۔ اس معاملے پر عدالت میں کل یعنی جمعرات کو دوبارہ سماعت ہوگی۔ گیانواپی کے اے ایس آئی سروے کی تکمیل سے متعلق معاملے میں کل دوبارہ عدالت میں سماعت ہوگی۔ سماعت کے دوران اے ایس آئی کے ایک افسر نے ہائی کورٹ کو بتایا کہ ہم نے 24 جولائی کی صبح 9 بجے سروے شروع کیا تھا۔ سروے ابھی شروع ہی ہوا تھا کہ روک لگ گئی۔ اس پر ہائی کورٹ نے پوچھا کہ آپ کو سروے کرنے کے لیے اور کتنا وقت درکار ہے؟ اے ایس آئی اہلکار نے کہا کہ یہ معلوم نہیں کہ اس میں کتنا وقت لگے گا۔ اس سے پہلے گیانواپی کیمپس کے ایس آئی سروے کے خلاف مسلم فریق کی عرضی پر سماعت ہوئی۔ مسلم فریق کی طرف سے سینئر وکیل سید فرمان نقوی پوری اور ہندو فریق کی طرف سے وکیل وشنو شنکر جین نے عدالت میں بحث کی۔