پون کھیڑا کو ملی بڑی راحت، سپریم کورٹ نے گرفتاری پر لگائی عبوری روک

نئی دہلی : کانگریس لیڈر پون کھیڑا کو سپریم کورٹ سے بڑی راحت ملی ہے۔ سی جے آئی ڈی وائی چندر چوڑ نے ان کی گرفتاری پر عبوری روک لگا دی ہے اور سبھی ایف آئی آر کو یکجا کرنے کا حکم دیا ہے۔ اس کے ساتھ ہی اس معاملہ کی اگلی سماعت پیر کو مقرر کی گئی ہے۔ سپریم کورٹ نے ہدایت دی کہ دہلی کی نچلی عدالت شام تک کھیڑا کو عبوری ضمانت دے گی، جس کے بعد اس معاملہ کی پیر کو دوبارہ سماعت ہوگی۔ دراصل سینئر ایڈوکیٹ ابھیشیک منوسنگھوی نے سپریم کورٹ سے پون کھیڑا کی گرفتاری پر روک لگانے اور کئی ریاستوں میں درج مقدمات کو ایک ساتھ جوڑ کر روک لگانے کا مطالبہ کیا تھا۔ سنگھوی کے اس مطالبہ پر تبصرہ کرتے ہوئے سی جے آئی ڈی وائی چندر چوڑ نے کہا کہ 'ٹھیک ہے، ہم سبھی ایف آئی آر ایک جگہ کردیتے ہیں'۔