ڈالر کے مقابلے روپیہ ریکارڈ نچلی سطح پر پہنچا، 78.04 پر ہوا بند
01:34PM Mon 13 Jun, 2022
ہندوستنای کرنسی ’روپیہ‘ پیر کے روز پہلی بار ڈالر کے مقابلے 78 روپے کی سطح کو پار کر گیا، جو امریکی ڈالر کے مقابلے اب تک کی سب سے نچلی سطح ہے۔ انٹرا-ڈے ڈیل میں 78.29 روپیہ کی گراوٹ کے بعد روپیہ پیر کے کاروبار میں 78.04 روپے فی امریکی ڈالر پر بند ہوا۔
ایم کے گلوبل فائنانشیل سروسز نے ایک نوٹ میں کہا کہ ’’یہ اندازہ لگانے کے لیے کوئی نیا ٹریگر نہیں ہے کہ روپیہ 79 یا 80 ہوگا جب تک تائیوان کے معاملے میں امریکہ اور چین کے درمیان جدوجہد نہیں ہو جاتی، تب تک موقع پر 77 یا 77.50 کی طرف کوئی سدھار نہیں ہونی چاہیے۔‘‘
کموڈیٹی کے ریسرچ انالسٹ جگر ترویدی اور کرنسی فنڈامنٹل اور اسٹاک بروکرس آنند راٹھی نے کہا کہ ’’اس ہفتہ کے آخر میں شروع ہونے والی امریکی مانیٹری پالیسی تجزیہ میٹنگ سے پہلے روپے میں مزید کمزوری دیکھنے کو مل سکتی ہے جہاں یو ایس فیڈ کے ذریعہ شرحوں میں اضافہ اور زیادہ جارحانہ کارکردگی کی امید ہے۔‘‘
Photos
