کسان تحریک: ترمیم ناقابل قبول، کسان تنظیموں کا حکومت کو دو ٹوک جواب

کسانوں اور حکومت کے مابین تعطل برقرار ہے۔ کسان تنظیمیں زرعی قوانین کے واپسی تک پیچھے ہٹنے کو تیار نہیں ہیں اور اپنی تحریک میں مزید شدت لا رہی ہیں۔ دیگر ریاستوں سے بھی کسان دہلی پہنچ رہے ہیں اور دہلی بارڈر پر زبردست جمِ غفیر موجود ہے۔ کسانوں نے دہلی نوئیڈا کا چلا بارڈڑ بند کرنے کا اعلان کر دیا ہے۔ ادھر، حکومت بھی اپنے موقف پر قائم ہے اور اس کا کہنا ہے کہ کسانوں کو ورغلایا جا رہا ہے اور زرعی قوانین ان کے مفاد میں ہیں۔ گزشتہ روز خود وزیر اعظم نریندر مودی نے زرعی قونین کو کسانوں کے لئے سود مند قرار دیتے ہوئے کہا کہ حزب اختلاف کسانوں کو گمراہ کر رہی ہے اور انہیں خوف زدہ کر کے مشتعل کیا جا رہا ہے۔