سال کا پہلا چاندگرہن آج ہوگا : بھٹکل میں قاضی صاحبان کی طرف سے چاند گرہن کی نماز کا اعلان

بھٹکل: 5 مئی،2023 (بھٹکلیس نیوز بیورو) رواں سال کا پہلا چاند گرہن آج رات کو ہوگا جس کا مشاہدہ ہندوستان میں بھی کیا جائےگا۔ محکمہ موسمیات کے مطابق چاند گرہن ہندوستانی وقت کے مطابق رات 8 بجکر 44 منٹ پر شروع ہوگا اور چاند گرہن رات 1 بجکر 1منٹ پر ختم ہوگا۔ محکمہ موسمیات کے مطابق چاند گرہن جنوب اور مشرقی یورپ، ایشیا کے بیشتر حصوں میں نظر آئے گا جبکہ آسٹریلیا، افریقا، اٹلانٹک، انڈین اوشن اور انٹارکٹیکا میں بھی دیکھا جاسکتا ہے۔ ماہرین کے مطابق یہ چاند گرہن پینمبرل ہے،  پینمبرل چاند گرہن کے دوران چاند کی چمک ماند پڑ جاتی ہے اور چاند معمول سے 10 فیصد کم روشن ہوتا ہے۔ پینمبرل چاند گرہن کا عام طورپرمشاہدہ مشکل ہوتا ہے۔ بھٹکل قاضی صاحبان کی اطلاع کے مطابق آج بھٹکل میں جامع مسجد بھٹکل اور خلیفہ جامع مسجد بھٹکل میں 09:15 بجے اور تنظیم جمعہ مسجد میں  09:30 کو چاند گرہن کی نماز ادا کی جائے گی۔