دھماکوں سے دہلا جودھپور، 6 گیس سلینڈر پھنٹے سے چار کی موت، وزیر اعلی نے غم کا اظہار کیا

جودھپور: اس وقت راجستھان کے جودھپور سے بڑی خبر سامنے آرہی ہے، جہاں گیس سلینڈر دھماکہ ہونے سے چار لوگوں کی موت ہوگئی ہے ۔ دراصل ہفتہ کو جودھپور میں ایک بڑا حادثہ پیش آیا ، جس سے کیرتی نگر کا پورا علاقہ دہل اٹھا ۔ ملی جانکاری کے مطابق کیرتی نگر میں ایک کے بعد ایک چھ گیس سلینڈر پھٹنے سے دو بچوں سمیت چار لوگوں کی موت کی خبر ہے ۔ وہیں 16 لوگ زخمی ہوگئے ہیں ۔ بتایا جارہا ہے کہ اس دھماکہ میں کئی گاڑیاں بھی نذر آتش ہوگئی ہیں ۔ واقعہ کے بعد جائے واقع پر انتظامیہ کی ٹیم پہنچ گئی ہے ۔ زخمیوں کو علاج کیلئے اسپتال لے جایا جارہا ہے ۔ وہیں اس واقعہ کے بعد سے پورے علاقہ میں دہشت کا ماحول ہے ۔ ملی جانکاری کے مطابق جوھپور کے ماتا کا تھان علاقہ میں مگرا پونجلا علاقہ کی ایک رہائشی کالونی میں آج دوپہر گیس کے سلینڈر پھٹنے سے آگ لگ گئی، جس میں چار لوگوں کی جلنے سے موت ہوگئی ہے ۔