نفرت انگیز تقریر اور فرقہ وارانہ تشدد پر اپوزیشن کا اظہار تشویش؛ سونیا، پوار، ممتا سمیت متحدہ حزب اختلاف کی مشترکہ اپیل

ہم ان زہریلے نظریات کا مقابلہ کرنے کے اپنے عزم کا اعادہ کرتے ہیں جو ہمارے معاشرے میں تقسیم کی جڑیں جمانے کی کوشش کر رہے ہیں۔ ہم اپنے پختہ یقین کا اعادہ کرتے ہیں کہ ہمارا ملک تب ہی ترقی کرے گا جب وہ اپنے تنوع کا احترام کرے گا، ان کو جگہ دے گا۔ ہم تمام طبقات سے اپیل کرتے ہیں کہ وہ امن برقرار رکھیں اور ان لوگوں کے مذموم مقصد کو ناکام بنائیں جو فرقہ وارانہ پولرائزیشن کو تیز کرنا چاہتے ہیں۔ ہم ملک بھر میں اپنی تمام پارٹی اکائیوں سے امن اور ہم آہنگی کو برقرار رکھنے کے لیے آزادانہ اور مشترکہ طور پر کام کرنے کا مطالبہ کرتے ہیں۔ محترمہ سونیا گاندھی، صدر، انڈین نیشنل کانگریس جناب شرد پوار، صدر، این سی پی محترمہ ممتا بنرجی، مغربی بنگال کی وزیر اعلیٰ اور صدر، ترنمول کانگریس جناب ایم کے اسٹالن، وزیر اعلیٰ تمل ناڈو اور صدر ڈی ایم کے جناب سیتارام یچوری، جنرل سکریٹری، سی پی ایم جناب ہیمنت سورین، وزیر اعلیٰ جھارکھنڈ اور جے ایم ایم کے کارگزار صدر ڈاکٹر فاروق عبداللہ، سابق وزیر اعلیٰ جموں و کشمیر اور صدر نیشنل کانفرنس جناب تیجسوی یادو، اپوزیشن لیڈر بہار، (آر جے ڈی) جناب ڈی راجہ، جنرل سکریٹری، سی پی آئی جناب دیب برت بسوار، جنرل سکریٹری، فارورڈ بلاک منوج بھٹاچاریہ، جنرل سکریٹری، آر ایس پی پی کے کونہالی کٹی، جنرل سکریٹری، آئی یو ایم ایل دیپانکر بھٹاچاریہ، جنرل سکریٹری، سی پی آئی (ایم ایل)