بڑی خبر: بیلٹ پیپر سے انتخاب ممکن نہیں تو 50 فیصد وی وی پیٹ پرچیوں کی ہو گنتی... کھڑگے

 آئندہ لوک سبھا انتخابات سے قبل اپوزیشن پارٹیوں نے ای وی ایم پر اٹھ رہے سوالوں کے بعد انتہائی اہم قدم اٹھاتے ہوئے الیکشن کمیشن کا دروازہ کھٹکھٹا دیا ہے۔ اپنی شکایتیں لے کر کانگریس کی قیادت میں کئی اپوزیشن پارٹیاں الیکشن کمیشن پہنچ چکے ہیں۔ جو لیڈران الیکشن کمیشن پہنچتے ہیں ان میں کانگریس سے غلام نبی آزاد، ملکارجن کھڑگے، احمد پٹیل، آنند شرما، ٹی ڈی پی سے چندرا بابو نائیڈو، این سی پی سے ماجد مینن، ترنمول کانگریس سے ڈیریک او برائن، سماجوادی پارٹی سے رام گوپال یادو، بہوجن سماج پارٹی سے ستیش چندر مشرا، سی پی آئی ایم سے محمد سلیم اور ٹی کے رنگا راجن، آر جے ڈی سے منوج جھا، عآپ سے سنجے سنگھ، سی پی آئی سے ڈی راجہ، جنتا دل سیکولر سے دانش علی، اے آئی یو ڈی ایف سے بدرالدین اجمل سمیت کئی دیگر پارٹیوں کے نمائندگان بھی شامل ہیں۔