کرناٹک: وزیر اعلیٰ یدی یورپا کو لے کر بی جے پی لیڈران میں رسہ کشی جاری

کرناٹک میں برسراقتدار بی جے پی دو حصوں میں منقسم ہوتی ہوئی نظر آ رہی ہے۔ پارٹی کے کچھ لیڈران وزیر اعلیٰ بی ایس یدی یورپا کے خلاف نظر آ رہے ہیں، تو کچھ ان کے حق میں بیان دے رہے ہیں۔ آج بی جے پی کے سینئر وزیر ایس ایشورپا نے کہا کہ پارٹی کے اندر کا ایک گروپ یہ مانتا ہے کہ وزیر اعلیٰ یدی یورپا کو ہٹایا جانا چاہیے۔ حالانکہ کرناٹک بی جے پی کے صدر نلن کمار کٹیل نے کہا کہ قیادت میں تبدیلی کا سوال ہی پیدا نہیں ہوتا، یدی یورپا آئندہ دو سال تک عہدہ پر بنے رہیں گے۔