بنگلور کے ذاکر خان نے بنائی دنیا کی سب سے لمبی بائک، 450 کلو ہے وزن

بنگلور: 14 جولائی، 18 (ایجنسی) نوجوانوں میں بائک کو لے کر ہمیشہ جنون رہتا ہے۔ ایسے میں سڑکوں پر ہوا سے باتیں کرنے کے لئے بائک کی رفتار اور لوگوں کی توجہ مرکوز کرنے کے لئے اسکی ڈیزائن کا خاص خیال رکھا جاتا ہے۔ بازار میں ایسی ایک سے بڑھ کر ایک بائک موجود ہیں، جو رفتار سے لے کر باڈی کے معاملہ میں بھی بہت پاورفل ہیں اور ایسے میں بائک جب سڑک پر اپنی رفتار پکڑتی ہے تو لوگوں کی توجہ کھنچتی ہے۔ لیکن سوچیے اگرآپ کے پاس سے کوئی 13 فٹ لمبی بائک لے کر گزرے تو  آپ کو کیسے محسوس ہوگا۔ جی ہاں، بنگلورو کے ایک انٹیئررڈیزائنر ذاکر خان نے 13 فٹ لمبی ایک بائک بنائی ہے۔ 29 سالہ ذاکر خان اپنی بائک کو دنیا کی سب سے لمبی موٹر سائیکل بتا رہے ہیں۔ انہوں نے اسے ’ چاپر بائک ‘ کا نام دیا ہے۔ تقریباَ ساڑھے چار سو کلو وزن والی ان کی یہ چاپر بائک کو جے پی نگر فیج 2 میں واقع درگا پرمیشوری بی ایڈ گراونڈ میں ہفتہ اور اتوار کے روز نمائش کے لئے رکھا جائے گا۔ انہوں نے میڈیا سے بات چیت میں بتایا کہ اس سے قبل وہ 10 اور 11 فٹ لمبی بائک بنا چکے ہیں۔ انہوں نے بتایا کہ اس ون سیٹر بائک کو بنانے میں تقریباَ ساڑھے سات لاکھ روپیے خرچ کئے گئے ہیں۔ مجھے کسٹمائز بائک ڈیزائن کرنے میں 45 دن لگے۔ اس 220 سی سی بائک انجن کی صلاحیت کسٹمائز چیسس کے ساتھ بڑھائی گئی ہے۔ ساتھ ہی یہ بائک 120 کلومیٹر فی گھنٹے کی ٹاپ اسپیڈ تک جا سکتی ہے۔ اس بائک کو ذاکر نے گھر کے پاس نگربھاوی واقع ورکشاپ  میں بنایا ہے، جس میں چھ فٹ لمبے سائلنسرس اور فوکرس ہیں۔ بائک کی چوڑائی تقریباَ ساڑھے پانچ فٹ ہے اور اس کے پچھلے پہیے میں منی ٹرک کا ٹائر لگایا گیا ہے۔ اپنے اس شوق کے بارے میں ذاکر کہتے ہیں کہ گھوسٹ رائڈر اور ٹرمینیٹر جیسی فلموں نے انہیں ایسی لمبی بائک بنانے کا آئڈیا دیا۔ ذاکر کہتے ہیں کہ ’’ میں بائک بناتے وقت کئی بار ناکام ہوا، مگر ہمیشہ کوشش کرو اور باربار کرتے رہو کہاوت میں یقین کر کے آگے بڑھتا گیا اور کامیاب ہوا‘‘۔