خطرے میں ٹیلی کام سیکٹر کی 40 ہزار ملازمتیں، ہزاروں کروڑ کے بوجھ میں دب گئیں کمپنیاں

 اس معاملے میں سی آئی ای ایل ایچ آر سروسز میں ڈائریکٹر اور سی ای او آدتیہ نارائن مشرا کا کہنا ہے کہ ’’سپریم کورٹ کے فیصلہ کے بعد ٹیلی کام کمپنیوں میں تقریباً 40 ہزار ملازمتیں ختم ہو سکتی ہیں۔ سپریم کورٹ نے کمپنیوں کو 92641 کروڑ روپے محکمہ ٹیلی مواصلات کو دینے کے لیے کہا ہے۔ ایسے میں آئندہ چھ مہینے میں ہندوستانی ٹیلی کام سیکٹر میں 40 ہزار ملازمتیں تو ختم ہوں گی ہی، اگر کوئی موجودہ آپریٹر دیوالیہ قرار پاتا ہے تو تعداد مزید بڑھ سکتی ہے۔‘‘ قابل ذکر ہے کہ ٹیلی کام کمپنیوں میں تقریباً 2 لاکھ لوگ کام کرتے ہیں۔ اس طرح دیکھا جائے تو اگر 40 ہزار ملازمتیں ختم ہوتی ہیں تو یہ کل ورک فورس کا 20 فیصد ہوگا۔