جاپان میں ریستوراں کے اندر زبردست دھماکہ، 40 افرادزخمی

جاپان کے ساپورو شہر میں اتوارکی رات ایک ریستوراں میں زبردست دھماکہ اور آگ لگ جانے کی وجہ سے 40 سے زائد افراد زخمی ہوگئے۔  یہ اطلاع ہوکایڈو پولیس کے پبلک ریلیشنز افسرریوہی کاشی ہارا نے دی ہے۔ دھماکے کا سبب ابھی تک معلوم نہیں چل سکا ہے۔  جاپان کی ہنگامی خدمات کے شعبے کی ٹیم دھماکے کے وجوہات کی تحقیقات کر رہی ہے۔ ریستوراں کے نزدیک رہنے والے لوگوں کے مطابق دھماکے کے بعد کسی گیس کارساؤ ہوا اور علاقے کے گھروں کی کھڑکیوں کے شیشے ٹوٹ گئے۔پولیس نےمزیددھماکہ ہونے کا خدشہ کے پیش نظر پورے علاقے کا محاصرہ کردیا ہے۔