کورونا: ہندوستان میں پانچویں موت، لکھنؤ میں 4 نئے کیسز، کل تعداد 200 سے زیادہ

واضح رہے کہ ہندوستان میں کورونا وائرس کے کل مثبت 201 معاملات میں سے 20 میں مریض صحت یاب ہو چکے ہی۔ وہیں ملک میں اس مہلک کورونا وائرس کی وجہ سے 5 افراد کی موت ہو چکی ہے اور 176 افراد اس وائرس سے لڑ رہے ہیں۔ ہندوستان میں اب تک پنجاب، دہلی، مہاراشٹرا، کرناٹک اور راجستان میں ایک ایک شخص کورونا وائرس کی وجہ سے فوت ہوا ہے۔ سب سے زیادہ متاثرہ مہاراشٹر میں کورونا وائرس کے انفیکشن کے کیسز کی تعداد میں مسلسل اضافہ ہو رہا ہے۔ ریاست میں 44 ہندوستانی اور 3 غیر ملکی مریض ہیں۔ تشویش ناک بات یہ ہے کہ یہاں کا کوئی مریض تاحال صحت یاب نہیں ہو سکا ہے۔