ممبئی کے تین مقامات کو بم سے اڑانے کی ملی دھمکی، پولیس ہوئی الرٹ

ممبئی : مہاراشٹر کی راجدھانی ممبئی کے تین مقامات کو بم سے اڑانے کی دھمکی ملی ہے ۔ موصولہ معلومات کے مطابق پولیس کنٹرول روم میں بدھ کی دوپہر کو یہ دھمکی آمیز فون آیا ، جس میں اندھیری کے انفنیٹی مال، جوہو کے پی وی آر اور سانتاکروز میں واقع سہارا کے پانچ ستارہ ہوٹل کو بم سے اڑانے کی دھمکی دی گئی ہے ۔ دھمکی آمیز فون آتے ہی پولیس محکمہ بھی الرٹ ہوگیا اور ان تینوں جگہوں اور آس پاس کے علاقوں میں سیکورٹی انتظامات سخت کردئے گئے ہیں ۔ حالانکہ اب تک پولیس کو کچھ بھی مشتبہ نہیں ملا ہے ۔