اب اس ریاست میں مفت میں ملیں گے تین ایل پی جی سلینڈر : انتخابات سے پہلے کیا گیا تھا وعدہ

اتنی مہنگائی میں اگر کسی کو ایل پی جی سلنڈر LPG Cylinder مفت ملے تو اور کیا چاہیے؟ ملک کی ایک ریاست نے اس ماہ کے آخر سے عوام کو تین گیس سلنڈر مفت دینے کا اعلان کیا ہے۔ یہ ریاست گوا ہے اور یہاں کی حکومت نے انتخابات سے پہلے اس کا وعدہ کیا تھا۔ اس وقت گوا میں بھارتیہ جنتا پارٹی (بی جے پی) کی حکومت ہے۔ انتخابات سے پہلے اپنے منشور میں، بی جے پی نے کہا تھا کہ وہ غربت کی لکیر (بی پی ایل) سے نیچے رہنے والے لوگوں کو 3 گیس سلنڈر مفت دے گی۔ چونکہ حکومت کو بنے کافی وقت ہو چکا ہے، اب حکومت نے اس پر عمل درآمد کا اعلان کیا ہے۔ لائیو منٹ نے یہ اطلاع ریاست کے دیہی ترقی ایجنسی کے وزیر گووند گوڑے کے حوالے سے شائع کی ہے۔