کیرالہ: آج کورونا کے 23676 نئے کیسز رجسٹرڈ، 148 ہلاک

کیرالہ میں کورونا انفیکشن نے تباہی کی صورت اختیار کر لی ہے اور آج 23 ہزار 676 نئے کیسز رجسٹرڈ کیے جانے کی خبریں سامنے آ رہی ہیں۔ ایک طرف جہاں ملک کی کئی ریاستوں میں کورونا کیسز دھیرے دھیرے کم ہو رہے ہیں، وہیں کیرالہ میں حالات سنگین ہو گئے ہیں اور پورے ملک میں روزانہ رجسٹرڈ کیے جا رہے نئے کورونا کیسز کا 50 فیصد سے زیادہ حصہ کیرالہ میں سامنے آ رہا ہے۔ تازہ ترین خبروں کے مطابق آج کیرالہ میں کورونا سے 148 ہلاکتیں بھی ہوئی ہیں جو باعث تشویش ہے۔ اس درمیان 15 ہزار 626 لوگ کورونا سے شفایاب بھی ہوئے ہیں۔