اگر 2019 میں اقتدار میں آئے تو آندھرا پردیش کو خصوصی ریاست کو درجہ دیں گے : راہل گاندھی

کانگریس صدر راہل گاندھی نے کہا ہے کہ اگر 2019 میں ان کی پارٹی اقتدار میں آئی تو وہ آندھرا پردیش کو خصوصی ریاست کو درجہ دیں گے ۔ راہل گاندھی نے یہ باتیں برلن میں غیر مقیم ہندستانیوں سے خطاب کرتے ہوئے کہیں ۔ انہوں نے کہا کہ ہندوستان حکومت نے آندھرا پردیش کو خصوصی ریاست کا درجہ دینے کا وعدہ کیا ہے ، اس کو ہلکے میں نہیں لیا جاسکتا ، میں آندھرا پردیش کے لوگوں کو یقین دلاتا ہوں کہ 2019 میں اگر کانگریس اقتدار میں آئی تو میں آپ کو خصوصی ریاست کا درجہ دوں گا ۔ راہل گاندھی نے الزام عائد کیا کہ وزیر اعظم مودی غیر بی جے پی ریاستوں پر توجہ نہیں دیتے ہیں ۔ انہوں نے کہا کہ وزیر اعظم بی جےپی حکمرانی والی ریاستوں کی ہمیشہ حمایت کرتے ہیں اور دوسری پارٹیوں کی اقتدار والی ریاستوں پر وہ توجہ نہیں دیتے ہیں ۔