عام انتخابات 2019: ملازمت میں خواتین کو ملے گی 33 فیصد ریزرویشن... راہل گاندھی

تلنگانہ کے وانپرتی میں جلسہ عام سے خطاب کرتے ہوئے راہل گاندھی نے کہا کہ ’’نریندر مودی 24 گھنٹے میں 27 ہزار ہندوستانی نوجوانوں سے روزگار چھینتے ہیں جب کہ چین 24 گھنٹے میں 50 ہزار نوجوانوں کو روزگار دیتا ہے۔‘‘ ساتھ ہی انھوں نے یہ بھی کہا کہ ’’ہم جانتے ہیں کہ ہندوستان کی خواتین کو مزید طاقت دینے کی ضرورت ہے۔ ہم لوک سبھا، راجیہ سبھا اور ودھان سبھا میں 33 فیصد ریزرویشن دیں گے اور ساتھ ہی حکومت ہند کی 33 فیصد ملازمتوں کو خواتین کے لیے محفوظ کر دیں گے۔‘‘