چھتیس گڑھ الیکشن 2018: کانگریس کے نومنتخب ممبران کو اپنے ساتھ لے جائے گا کرناٹک کا یہ لیڈر

 شاید اسی وجہ سے شیوکمارکو چھتیس گڑھ کی ذمہ داری ملی ہے۔ ذرائع کے مطابق ایگزٹ پول کے نتائج کو دیکھتے ہوئے کانگریس اعلیٰ کمان نے شیوکمارکو الرٹ کردیا ہے۔ چھتیس گڑھ میں جیتنے والا کانگریس کا ایک ایک ممبراسمبلی شیوکمارکو سونپے جائیں گے۔سینٹرفاردی اسٹڈی آف سوسائٹی اینڈ پولیٹکس کے ڈائریکٹر پروفیسراے کے ورما بتاتے ہیں "جس طرح سے ایگزٹ پول کے نتیجے آئے ہیں، اس سے کسی کو بھی واضح اکثریت ملتی ہوئی نہیں نظرآرہی ہے۔ لیکن یہ طے ہے کہ ہارجیت کا فرق کوئی بہت زیادہ نہیں ہوگا، اس لئے ایسے میں یہ لازمی ہوجاتا ہے کہ ہرایک پارٹی اپنے اپنے جیتے ہوئے ممبران کو بچا کررکھیں"۔  اتنا ہی نہیں چھتیس گڑھ میں دوردرازکی بستراورسرگجا اسمبلی انتخابات سے اگرکانگریس کا ممبراسمبلی منتخب ہوتا ہے، توانہیں لانے کے لئے ہیلی کاپٹرتک کا استعمال کیا جاسکتا ہے۔