دو سو اور 2000 روپے کے نوٹ کو لے کر آری بی آئی کا بڑا فیصلہ ، عام آدمی کی پریشانی ہوئی دور

آپ 200 اور 2000 روپے کے گندے اور کٹے پھٹے نوٹ کو آسانی سے تبدیل کرسکتے ہیں ۔ ریزور بینک آف انڈیا نے کٹے پھٹے اور گندے نوٹ بدلنے کیلئے آر بی آئی ( نوٹ ریفنڈ ) رولس 2009 میں تبدیلی کردی ہے ۔ ریزور بینک اس کو لے کر ستمبر میں نوٹیفکیشن جاری کرچکا ہے ۔ دو ہزار کا نوٹ جاری ہوئے تقریبا دو سال سے زیادہ سے کا عرصہ گزرچکا ہے ۔ 2000 اور 200 کے نوٹوں کا رنگ اترنے ، کٹنے اور پھٹنے کے بعد کئی شہروں سے شکایت آئی تھی کہ بینک انہیں تبدیل نہیں کررہے ہیں ۔ بینکوں کا کہنا ہے کہ ان کے پاس آر بی آئی کی جانب سے اس کی اجازت نہیں ہے ، جس کی وجہ سے چھوٹی پونجی سے لے کر بڑا کاروبار کرنے والے تک سبھی پریشان ہورہے تھے ۔