ریزرو بینک آف انڈیا اب بند کرے گا 2000 روپئے کا نوٹ!۔

نئی دہلی۔ ریزرو بینک آف انڈیا 2،000 روپئے کے نوٹوں کو واپس لے سکتا ہے  یا پھر بڑی رقم کی کرنسیوں کی پرنٹنگ کو روک سکتا ہے۔ اسٹیٹ بینک آف انڈیا (ایس بی آئی) کے ذریعہ جاری کردہ رپورٹ میں اس کا انکشاف ہوا ہے۔ بتا دیں کہ آٹھ نومبر  2016 کو پرانے 500-1000 روپئے کے نوٹوں کو چلن سے باہر کر کےحکومت نے 2000 روپے کا نوٹ شروع کیا تھا۔ رپورٹ میں  کہا گیا ہے کہ اگر منطقی طور پردیکھیں، تو ہمیں عام طور پر 2000 کے ذریعہ لین دین کرنے میں مشکلات کا سامنا کرنا پڑتا ہے۔ اب ایسا لگتا ہے کہ آر بی آئی نے 2000  کے نوٹوں کو چھاپنا بند کر دیا ہے یا اس کی چھپائی کم کر دی ہے۔ آر بی آئی نے آٹھ دسمبر 2017 تک  15،78،700 کروڑ روپئے کی قیمت والے بڑے نوٹوں کی چھپائی کی ہے، جس میں سے مارکیٹ میں 2،46،300 کروڑ روپے کی قیمت کے نوٹوں کی سپلائی نہیں کی گئی ہے۔ اسٹیٹ بینک آف انڈیا (ایس بی آئی) نے بدھ کو جاری کردہ ایک رپورٹ میں یہ بات کہی ہے۔