کے ایل راہل بنے ٹی20 ٹیم کے کپتان، پانڈیا اور کارتک کی واپسی، عمران ملک کو پہلی بار موقع

ممبئی: بی سی سی آئی (BCCI) نے جنوبی افریقہ کے خلاف ٹی20 اور انگلینڈ کے خلاف واحد ٹسٹ کے لئے ٹیم انڈیا کا اعلان کردیا ہے۔ 5 میچوں کی ٹی20 سیریز 9 جون سے شروع ہو رہی ہے۔ سیریز کے لئے کے ایل راہل کو کپتان بنایا ہے۔ وہیں دیگر سینئر کھلاڑیوں کو آرام دیاگیا ہے۔ 9 عالمی کپ کے بعد پہلی بار ہاردک پانڈیا کو ٹیم میں جگہ ملی ہے۔ دنیش کارتک نے آئی پی ایل 2022 بلے سے کمال کی کارکردگی پیش کی ہے۔ ان کی بھی لمبے وقت کے بعد ٹیم میں واپسی ہو رہی ہے۔ ٹسٹ ٹیم کی کمان روہت شرما کے ہی پاس ہے۔ پہلے سے ہی مانا جا رہا تھا کہ جنوبی افریقہ کے خلاف پانچ میچوں کی ٹی20 سیریز میں نوجوانوں کو موقع ملے گا۔ عمران ملک نے آئی پی ایل میں اپنی 150 کلو میٹر فی گھنٹہ کی رفتار سے سب کو حیران کیا تھا۔ وہ پہلی بار ٹیم میں جگہ بنانے میں کامیاب رہے ہیں۔ اسی طرح بائیں ہاتھ کے تیز گیند باز ارش دیپ سنگھ نے نئی اور پرانی گیند سے کمال کی کارکردگی پیش کی۔ وہیں خراب کارکردگی کے بعد بھی وینکٹیش ایئر کو موقع دیا گیا ہے۔