یوگا ڈے کے موقع پر 180 ممالک کے نمائندوں کی وزیراعظم مودی نے کی قیادت، بنا گینیز ورلڈ ریکارڈ

وزیراعظم نریندرمودی اپنے پہلے سرکاری امریکی دورے کے دوران یو این ہیڈکوارٹر میں منعقدہ یوگا ڈے پروگرام میں شامل ہوئے۔ انہوں نے کہا کہ یوگا کا مطلب ہے جوڑنا، یہ عالمی امن کے لیے بہت ضروری ہے۔ اس کے  بعد وہ امریکی صدر جوبائیڈن کے ساتھ عشائیہ میں شرکت کریں گے۔ اس سے پہلے وہ دن مین یو این ہیڈکوارٹر میں منعقد یوگا ڈے پروگرام میں شرکت کررہے ہیں۔ امریکہ میں پی ایم مودی کا اس سے قبل زبردست استقبال کیا گیا۔ اس کے بعد پی ایم مودی نے ٹیسلا کے سی ای او ایلون مسک سمیت کئی قدآور شخصیات سے ملاقات کی۔ یوگا ڈے کے موقع پر اپنے خطاب میں وزیراعظم نریندر مودی نے کہا کہ یوگا عالمی امن کے لیے بہت ضروری ہے، یوگا ہندوستان سے آیا ہے، لیکن اسے سبھی لوگ کرسکتے ہیں، اس پر کوئی کاپی رائٹ نہیں ہے۔