پندرہ سے 18 سال کے بچوں کے ویکسینیشن اور پری کاشن ڈوز کیلئے گائیڈلائنس جاری

نئی دہلی : مرکزی وزارت صحت نے پیر کو 15 سے 18 سال کے بچوں کے لئے کورونا ویکسینیشن، صحت کی دیکھ بھال اور فرنٹ لائن ورکروں کے لئے احتیاطی خوراک اور دیگر بیماریوں سے متاثر 60 سال سے زیادہ عمر کی آبادی کے لئے رہنما خطوط جاری کئے ہیں ۔ رہنما خطوط کے مطابق صحت اور فرنٹ لائن ورکروں کو جنہوں نے دونوں ڈوز لے لی ہیں ، 10 جنوری سے کووڈ 19 ویکسین کی ایک اور ڈوز فراہم کی جائے گی ۔ اس احتیاطی ڈوز کی ترجیح دوسری ڈوز دئے جانے کی تاریخ سے 9 ماہ مکمل ہونے پر مبنی ہوگی ۔