مہاتما گاندھی کی 150ویں یوم پیدائش پرسوچھ بھارت کی شکل میں عملی خراج عقیدت: نریندرمودی

انہوں نے کہا کہ صفائی ستھرائی شعور کو جکڑ لیتی ہے۔ گاندھی جی کی صٖفائی کی تحریک بے حسی سے بیداری کی طرف لے جانے کوشش تھی‘۔ وزیراعظم نے کہا کہ یہ گاندھی کے خیالات کے اثرکا ہی نتیجہ تھا کہ چار برس قبل 15 اگست 2014 کو لال قلعہ سے انہوں نے دو اکتوبر 2019 کو ان کے 150 ویں یوم پیدائش تک ملک کو کھلے میں رفع حاجت سے پاک بنانے کی مہم شروع کرنے کا اعلان کیا تھا۔ انہوں نے کہا کہ مجھے فخرہے کہ میں نے ان کے بتائے ہوئے راستے پر چلتے ہوئے ’سوچھ بھارت‘ کوعوامی تحریک بنادیا ہے۔ اقوام متحدہ کی جنرل اسمبلی کے جنرل سکریٹری اینٹونیا گوٹیریس کی موجودگی میں منعقدہ اس پروگرام میں انہوں نے کہا کہ صفائی ستھرائی ہندوستانی روایت کا حصہ رہی ہے۔ وزیراعظم نے کہا کہ ہندوستان اقوام متحدہ کے پائے دار ترقی کے مقاصد (ایس ڈی جی) کو حاصل کرنے کی سمت میں تیزی سے آگے بڑھ رہا ہے اوروہ صفائی ستھرائی کے ساتھ تغذیہ پربھی عوامی تحریک شروع کرچکا ہے۔ انہوں نے گوٹیریس کو یقین دہانی کرائی تھی کہ ایس ڈی جی کو حاصل کرنے میں ہندوستان کا قائدانہ کردار ہوگا۔