وزارت تعلیم کی جانب سے 15 نومبر کو ’جن جاتیہ گورو دیوس‘ کا اہتمام، یوں منایا جائے گا دیوس

وزارت تعلیم نے اعلان کیا ہے کہ اس سال 15 نومبر کو ملک بھر کے اسکولوں اور اعلیٰ تعلیمی اداروں میں ’جن جاتیہ گورو دیوس‘  کو شاندار طریقے سے منایا جائے گا۔ حکومت ہند کی مرکزی کابینہ نے 10 نومبر 2021 کو منعقدہ اپنی میٹنگ میں قبائلی مجاہدین آزادی کے تعاون کو یاد رکھنے کے لیے اس کی تجویز پیش کی ہے۔ یہ ہندوستان کی آزادی کی 75ویں سالہ تقریبات کا حصہ ہے۔ اس میں مزید کہا گیا ہے کہ برسا منڈا ایک مشہور مجاہد آزادی، سماجی مصلح اور ملک کے قابل احترام قبائلی رہنما تھے، جنہوں نے برطانوی نوآبادیاتی حکومت کے استحصالی نظام کے خلاف بہادری سے لڑا۔ انہوں نے قبائلیوں کو الگلان (بغاوت) کی کال دیتے ہوئے قبائلی تحریک کو منظم کیا اور اس کی قیادت کی۔ وزارت تعلیم نے کہا کہ اس نے قبائلیوں کو اپنی ثقافتی جڑوں کو سمجھنے اور اتحاد کو مضبوط کرنے کی ترغیب دی۔