حیدر آباد میں موسلا دھار بارش سے 14 افراد ہلاک، کئی گھر منہدم

تلنگانہ: 14 اکتوبر، 20 (ذرائع) حیدر آباد میں موسلا دھار بارش نے بڑے پیمانے پر تباہی مچادی ہے جس کے نتیجے میں ایک بچی سمیت 14 افراد ہلاک اور درجنوں زخمی ہوگئے ہیں۔ بارش کی وجہ سے تلنگانہ کے کم از کم 14اضلاع متاثر ہوئے ہیں۔ نشیبی علاقوں میں پانی بھر گیا ہے اور سڑکوں پر گاڑیاں تیرتی ہوئی دکھائی دے رہی ہیں۔ حیدرآباد میں بھی ایک کچی آبادی میں کئی گھر منہدم ہونے کی خبر موصول ہوئی ہے جبکہ ایک گھر کے ملبے میں دب کر بچی سمیت 9 افراد کی موت ہوئی ہے۔ دوسری طرف سڑکوں پر کئی فٹ پانی جمع ہوجانے کی وجہ سے زخمیوں کو اسپتال منتقل کرنے کے لیے دشواری کا سامنا ہے۔

Situation at Al-Jubail Colony and Falaknuma Ghazi E-Millat Colony in #Hyderabad#HyderabadRains pic.twitter.com/e0B3iNp35S

— TOI Hyderabad (@TOIHyderabad) October 14, 2020

میڈیا کے مطابق تلنگانہ اور اتر پردیش کے علاقوں میں تیز بارشوں نے معمولات زندگی کو درہم برہم کر کے رکھ دیا ہے، سب سے زیادہ نقصان حیدرآباد میں ہوا ہے جہاں مختلف واقعات میں 14 افراد کے ہلاک ہونے کی تصدیق ہوئی ہے جب کہ بعض لاشوں کے پانی میں بہہ جانے یا ملبے تلے دبے ہونے کے باعث ہلاکتوں میں اضافے کا خدشہ ہنوز باقی ہے۔