ہندوستان نے بنایا عالمی ریکارڈ، 105 گھنٹے میں تعمیر ہوئی 75 کلو میٹر سڑک

مرکزی وزیر نتن گڈکری کا کہنا ہے کہ اس سے پہلے بٹومینس سڑک تعمیر کا گنیز ورلڈ ریکارڈ فروری 2019 میں دوحہ، قطر میں بنا تھا۔ وہاں 25.275 کلومیٹر طویل سڑک بنائی گئی تھی جسے پورا کرنے میں 10 دن لگے تھے۔ انھوں نے مزید بتایا کہ امراوتی کو این ایچ 53 کے حصے کی شکل میں اکولا ڈویژن میں جوڑا گیا ہے۔ یہ ایک اہم کوریڈور ہے جو کولکاتا، رائے پور، ناگپور اور سورت جیسے اہم شہروں کو جوڑتا ہے۔ تعمیرات کا کام مکمل ہو جانے پر یہ راستہ ٹرانسپورٹیشن اور مال کی آمد و رفت کو آسان بنانے میں اہم کردار نبھائے گا۔