ممبئی حادثہ : آخری مرتبہ 10 سال پہلے بھری تھی طیارے نے اڑان، نہیں تھا فلائنگ سرٹیفکیٹ

بیان میں آگے کہا گیا کہ گزشتہ دیڑھ سال سے ایئر کرافٹ کے مینٹیننس کا کام چل رہا تھا ۔ڈی جی سی اے کے پاس اڑان بھرنے  کی صلاحیت کے سرٹیفکیٹ کیلئے درخواست کرنے سے پہلے ،مینٹیننس کا کام پورا ہونے کے بعد ایئر کرافٹ کی یہ پہلی ٹیسٹ پرواز تھی۔ واضح ہو کہ جمعرات کو ایک بجے کنگ ایئر سی 09 طیارہ گھاٹ کوپر ٹیلی فونک ایکسچینج کے پاس اولڈ مالک ایسٹیٹ میں ایک زیر تعمیر عمارت میں کریش ہو گیا ۔ گواہوں کے مطابق لوگوں کی جان بچانے کیلئے کیپٹن ماریہ زبیری اور پردیپ راجپوت ،طیارے کو خالی جگہ پر لیکر گئے۔بعد میں کیپٹن ماریہ کے شوہر نے کہا ، حادثے کو روکا جا سکتا تھا ۔ماریہ نے مجھے بتیا تھا کی خراب موسم کی وجہ سے طیارے کو اڑایا جانا نہیں چاہئے۔اس حادثے کیلئے کمپنی ذمہ دار ہے۔