کسان آندولن : 10 دنوں کی ہڑتال پر 8 ریاستوں کے کسان ، دودھ اور سبزیوں کی سپلائی پر اثر

گزشتہ سال مندسورمیں پولیس کی گولی باری میں 6 کسانوں کی موت ہوگئی تھی۔ ہڑتال کا اثر مدھیہ پردیش، مہاراشٹر، پنجاب، راجستھان، اترپردیش، کرناٹک، ہریانہ اور چھتیس گڑھ میں دیکھا جاسکتا ہے۔ کسناوں کے اہم مطالبات میں قرض معافی، کم از کم  قیمت کو بڑھانے کی حمایت کرنا اور اپنی فصلوں کی زیادہ قیمت شامل ہے۔ بھارتیہ کسان سنگھ کے قومی سکریٹری موہنی موہن نے نیوز 18 کو بتایا کہ مندسور تحریک کے دوران کئی موضوع پر سمجھوتہ کیا گیا تھا۔ انہوں نے کہا ’’یہ ایک سیاسی تحریک ہےاور کسان کے مسائل کے بارے میں نہیں ہے۔ آخری بار ہم مدھیہ پردیش میں ریاستی حکومت کے ساتھ کچھ مثبت نتائج تک پہنچنے میں کامیاب رہے، لیکن منصوبہ بند طریقے سے تشدد نے ہماری کوششوں کو خراب کردیا‘‘۔ موہنی موہن نے الزام لگایا کہ اس احتجاجی مظاہرہ کا ہدف 2019 کے لوک سبھا الیکشن کو متاثر کرنا ہے۔ انہوں نے کہا کہ یہ تحریک سیاست سے متاثر ہے، یہ ایسے لوگ کررہے ہیں جو تشدد کرنے کا منصوبہ بنارہے ہیں۔ یہ تحریک 2019 کے الیکشن کے پیش نظر کیا گیا ہے۔ ہم اس کا حصہ نہیں بننا چاہتے ہیں۔ موہن نے کہا کہ بھارتیہ کسان سنگھ کسانوں کے مطالبات کے ساتھ کوئی سمجھوتہ نہیں کررہا تھا۔ انہوں نے کہا کہ ہم لون معاف کرنے کے حق میں نہیں ہیں۔ پہلے بھی اس کا کوئی خاص نتیجہ نہیں نکلا ہے، ہمارے مطالبات فائدہ مند کم ازکم قیمت کی حمایت ہے۔ بھارتیہ کسان سنگھ کے قومی سکریٹری موہنی موہن نے مخالفت میں عام آدمی پارٹی کے کارکنان کی موجودگی پر بھی حیرانی کااظہار کیا ہے۔ انہوں نے کہا کہ دہلی حکومت میں کوئی وزارت زراعت بھی نہیں ہے، وہ کسانوں کے احتجاجی مظاہرہ میں کیسے شامل ہوسکتے ہیں؟ مجھے یہ بہت عجیب لگتا ہے۔