سہارنپور: آزاد خاتون امیدوار شبانہ کو ملے 0 ووٹ، ای وی ایم پر کھڑے کئے سوال

سہارنپور۔ یوپی بلدیاتی انتخابات کے دوران سہارنپور میں آزاد خاتون امیدوار کو ایک بھی ووٹ نہیں ملا۔ وہیں، ایک بھی ووٹ نہ ملنے سے خاتون امیدوار حیرت میں پڑ گئی۔ نتائج آنے پر امیدوار نے ای وی ایم پر سوال کھڑے کرتے ہوئے کہا، "یہ کیسے ممکن ہے کہ میرا ووٹ بھی مجھے نہیں ملا؟" کم سے کم میرے اور میرے خاندان کا ووٹ تو مجھے ملنا ہی تھا۔ بتا دیں کہ وارڈ نمبر 54 سے کونسلر امیدوار شبانہ کو ووٹوں کی گنتی میں پتہ چلا کہ انہیں ایک بھی ووٹ نہیں ملا۔ اس پر شبانہ نے ای وی ایم کی معتبریت پر سوال اٹھائے۔ انہوں نے کہا کہ کم از کم میرا اور میرے خاندان کا ووٹ تو مجھے ملا ہی ہے۔ یہ کیسے ممکن ہو سکتا ہے کہ مجھے اپنا ووٹ بھی نہیں ملا؟