جب حضور آئے۔۔۔(23)۔۔۔۔ چاند طلوع ہوا۔۔۔ از: سید عطاء اللہ شاہ بخاریؒ

چاند طلوع ہوا

سید عطاء اللہ شاہ بخاری رح

۔۔۔۔۔۔۔۔۔۔۔

        " میں حیران ہوتا ہوں کہ خدا نے جس قوم کو آمنہ کا لعل دیا ہو، جسے امام الانبیاء، فخر رسل، باعث کل، پیغمبر آخر الزمان ملا ہو، اسے اور کیا چاہئے۔

        پورا قرآن، اسلام ، احادیث، ائمہ کی محنت، یہ سجا دے، یہ تصوف، یہ بس حضور ہی حضور ہیں، بیچ میں اگر ختم نبوت پر بال آئے گا تو پوری عمارت نیچے آ گرے گی،خدا، خدا نہیں رہے گا، لوگ اور ہی بنائیں گے۔:۔

                             توحید را کہ نقطہ پرکار دین ماست

                             دانی؟ کہ نکتہ ز زبان محمد است

          بلا واسطہ کچھ نہیں ملے گا، کعبہ میں جو صحف ابراہیم و موسیٰ کی درسگاہ تھا، اس میں تین سو ساٹھ پتھر لا رکھے، پھر آمنہ بی بی کے یہاں لال آیا اور عبداللہ کا چاند طلوع ہوا تو ان کا گھر صاف ہوا، محور ہی ان کی ذات ہے، مجھے کچھ اور سوجھ نہیں سکتا:

                          در پہ بیٹھے ہیں تیرے بے زنجیر

                          ہائے کس طرح کی پابندی ہے

وہ ماں مر گئی جو نبی جنے، مشاطہ ازل نے تیری زلفوں میں کنگھی ہی توڑ دی، اب کنڈل تو باقی رہیں گے، لیکن کسی کنگھی کی ضرورت نہیں رہے گی، دیوانے بن جاؤ، عقل کو جواب دے دو، ختم نبوت کی حفاظت عقل کا نہیں، عشق کا مسئلہ ہے، صحابہ کرام صحیح معنوں میں دیوانگان محمد تھے ، بس:۔

                             خراباتیاں مے پرستی کنندہ

                               محمد بگوئیند و مستی کنند"

https://telegram.me/ilmokitab/